س- نايم ومطفي الضو ومتغطي بالبطانية عم
تحلم..، بيجي واحد من أهلك بيفتح الباب ويقول :شو نايم ؟؟
ج- لأ عم ارقص.. بس الوضع بيوحي إني نايم
> > >
س- معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:هه إجيتوا ؟؟؟
ج- لا والله لساتنا عالطريق، في عجئة بالجميلية
> > >
س- لابس أحلى أواعيك ومتعطّر وشايل مفاتيح السيارة وجزدانك وطالع لبرات البيت، بيجي حدا من أهلك بيسألك، شو رايحلك شي مشوار ؟؟
ج- لا والله طالع عالأسطوح صلّح الدش
> > >
س- حامل سماعة التلفون وعم تبلش تدق بالأرقام، بيجيك عنصر مفاجئة من أهلك وعلى وجهه علائم الإستغراب والدهشة: بدك تحكي بالتلفون؟
ج- لأ شو إحكي بس كنت عم جرب صوت طنة الأرقام
> > >
س- حاطت راسك ونازل دحي بهالكتب والدراسة، بتجي امك...: عم تدرس تقبرني؟
ج- لا والله ... عم غير زيت للسيارة
> > >
س- مذيعة بيوم العيد عم تلفلف بالشوارع وتلطي ع كم مواطن وتسأل وبنفس الوقت هي بتجاوب: شو بتساوي اول يوم العيد ؟ أكيد بتروح بتزور الأهل والقرايب؟..
ج- لا والله بالعادة بفكر العب دء طميمة ومابروح لعندهم
> > >
س- نفس المذيعة بتشوف ولد بالشارع وبتسأله؟ حبيبي بتحب بابا وماما؟
ج- لا ما بحبهم , بحب الهريسة والسنبوسك
> > >
س- واحد فايت ع جماعة وشايف الوضع بالشارع معتم والمكتوب مبين من عنوانه، شو مقطوعة الكهرباء؟
ج- لا والله بس احنا حابين نقعد على العتمة
> > >
س- بتكون قاعد وعم بتابع
مسلسل ومدموج بيجي اخوك
وبقلك عم تتفرج ع التلفيزيون؟
ج-لا عم بتأمل شكل الحيط
يلي وراه
> > >
س- أشّر بأصبعته الكريمة لتكسي، وفعلاً وقفلو العينتين، بيسأله: فاضي؟
ج- لأ ... عندي 10 طلبيات، بس وقفت هيك ملعنة
> > >
س- بدك تنزل من الميكرو: عاليمين زكاتك.... بتلقى الرد: نازل ؟
ج- لا والله طالع يا روح نانتك
> > >
بدها شد شعر ولا مابدها؟؟..